Oorskiet Suurdeeg Pita Broodjies

Hierdie pita broodjies is vinnig en maklik om te maak en is 'n staatmaker vir 'n min-moeite naweek aandete.

Bestanddele:

Droë bestanddele:

• 450-500g meel
• 12g sout
• 10g suiker
• 1 pakkie kitsgis

Nat bestanddele:

• 225g water
• 200g ongevoerde oorskiet suurdeeg
• 25g olie

Metode:

1. Meng al die bestanddele saam en knie goed (begin met 450g meel en voeg nog by indien nodig).
2. Laat rys vir +/- 1 uur.
3. Verdeel die deeg in 8 balletjies en laat rys vir 'n verdere 30 minute terwyl die oond en pannetjie voorverhit tot 250°C.
4. Rol elke balletjie dun uit.
5. Bak een of twee op 'n slag in 'n voorverhitte gietysterpan of op 'n pizzasteen vir 5 minute tot die pita opgepof het.
6. Sit voor met vulsel van jou keuse en geniet!